‘षट्कोण’को शिर्ष गीत सार्वजनिक

लेन्सनेपाल २०७९ बैशाख २१

आगामी शुक्रबार अर्थात् बैशाख २३ गतेबाट प्रदर्शनमा आउने चलचित्र ‘षट्कोण’को शिर्ष गीत सार्वजनिक गरिएको छ । सार्वजनिक गीतमा बिराज गौतमको स्वर र बिशेष पाण्डे र बिराज गौतमको शब्द संगीत रहेको छ ।

सार्वजनिक भिडियोमा अभिनेता कार्मले एक मर्डर मिस्ट्रीको अनुसन्धान गर्ने क्रममा आउने उतार चढावलाई प्रस्तुत गरिएको छ । चलचित्रका निर्देशक मिलन डि काप्रि हुन् ।

क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको चलचित्रमा कार्म, भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बाल कलाकार असिम लामाको अभिनय रहेको छ । शिशिर लिम्बु वानेमको कथा तथा पटकथा रहेको चलचित्रको संवाद महेश दवाडीले लेखेका हुन् । चलचित्रमा आङ्छेन लामाको छायांकन, सागर खनाल र निर्देशक मिलन डि काप्रिले सम्पादन छ ।