‘काठमाडौं सर्ट फिल्म फेस्टा ०२२’को आवेदन खुल्ला

लेन्सनेपाल २०७९ जेष्ठ ३१

‘काठमाडौं सर्ट फिल्म फेस्टा ०२२’को आवेदन खुलेको छ । छैठौं संस्करणमा सहभागीताका लागि छोटा चलचित्रहरु आब्हान गरिएको आयोजक छायाँछवि क्रियसनले जनाएको छ ।

फेस्टामा सहभागीताका लागि २०७९ असार २६ गतेसम्म चलचित्र दर्ता गर्न सकिने जनाइएको छ । फेस्टामा छोटा चलचित्र र छोटा वृत्तचित्रले भाग लिन पाउने छन् । सहभागी हुने चलचित्र २ मिनट देखि ५९ मिनेट भित्रको हुनुपर्नेछ ।

फेस्टामा सहभागीबाट बेस्ट सर्ट फिल्म (फिक्सन), बेस्ट सर्ट फिल्म (फिक्सन) निर्देशक, बेस्ट सर्ट फिल्म (डकुमेन्ट्री), बेस्ट सर्ट फिल्म (डकुमेन्ट्री) निर्देशक, बेस्ट कन्सेट र स्कृप्ट, बेस्ट बायोपिक डकुमेन्ट्री, जुरी अवार्ड, पब्लिक च्वाईस अवार्ड, बेस्ट म्यासेज फिल्म, इनकरेजमेन्ट अवार्ड लगायतका बिधामा अवार्ड प्रदान गरिने जनाइएको छ ।

यी मध्ये बेस्ट सर्ट फिल्म (फिक्सन) र बेस्ट सर्ट फिल्म (डकुमेन्ट्री)लाई क्रमशः ट्रफी, प्रमाणपत्र र १० हजार रुपैयाँ प्रदान गरिने छ । बाँकी विधामा भने ट्रफी तथा प्रमाणपत्र प्रदान गरिने छ ।