राजेन्द्रको ‘सुगर फ्रि भर्सेस रसवरी’ सार्वजनिक

लेन्सनेपाल २०७९ आषाढ ९

संगीतकार राजेन्द्र बजगाईको ‘सुगर फ्रि भर्सेस रसवरी’ बोलको गीत सार्वजनिक गरिएको छ । बिहिबार दिउँसो भिडियो साझेदारी सञ्जाल युट्युव मार्फत गीत सार्वजनिक गरिएको हो ।

सार्वजनिक गीतमा राजेन्द्र बुढाथोकी र अस्मिता अधिकारीको स्वर, डिपी खनालको शब्द, राजेन्द्र बजगाईको संगीत तथा संगीत संयोजन र मनोज परियारको मिक्सिङ तथा मास्टरिङ रहेको छ ।

सार्वजनिक गीतको भिडियोमा अञ्जली अधिकारी, सागर लम्साल बले र श्रीदेव भट्टराईको अभिनय रहेको छ । राजेन्द्र बजगाईको निर्देशन रहेको भिडियोमा दिपक मान सिंहको कोरियोग्राफी, नवराज उप्रेतीको छायाँकन र विकास ज्ञवालीको सम्पादन रहेको छ ।