चलचित्र ‘तेल भिसा’को अग्रीम बुकिङ खुला

मंसिर ७ गते शुक्रबारबाट प्रदर्शनको तयारीमा रहेको चलचित्र ‘तेल भिसा’को अग्रीम बुकिङ खुला गरिएको छ । चलचित्रले देशभर १ सय ३० भन्दा बढी शो पाएको देखिन्छ । चलचित्रको अग्रीम टिकट बुकिङ पनि राम्रो देखिएको छ ।

देशकै ठुलो मल्टीप्लेक्स चेन क्युएफएक्सले काठमाडौं उपत्यकामा २५ शो अनि मोफसलमा २५ शो उपलब्ध गराएको छ । यस्तै, देशको दोस्रो ठुलो मल्टीप्लेक्स चेन आइएनआई चलचित्रजले ९ शो, वान चलचित्रजले ७ शो, एफक्युबले ६ शो, बिग मूभिजले ४ शो, बिएसआर मूभिजले ३ शो, रञ्जना सिनेप्लेक्सले ५ शो, सिके चलचित्रजले ३ शो, सिने डी सेफले ४ शो र कृर्तिपुर सिनेप्लेक्सले १ शो उपलब्ध गराएका छन् ।

शंकर घिमिरेको लेखन तथा निर्देशनमा निर्माण भएको चलचित्रमा अभिनेता विपिन कार्कीको बृद्ध र जवानगरी दोहोरो भुमिका हेर्न पाइनेछ । चलचित्रमा विपिनसँगै वर्षा राउत, पुजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको अभिनय रहेको छ । घिमिरेले १२ पछि निर्देशनमा कमव्याक गरेका हुन् ।

वेलडन क्रियसनको व्यानरमा ऋचा घिमिरेको प्रस्तुती रहेको चलचित्रमा अनिल पाण्डे र शिवराज कार्कीको लगानी छ । प्रिन्स युवराज कार्की र श्रुती दाहाल कार्यकारी निर्माता रहेको चलचित्रमा सुशन प्रजापतिको छायांकन, रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत र अजय खड्काको सम्पादन छ ।