Mahajatra

चार व्यक्तिले एकसाथ निर्देशन गर्दै चलचित्र ‘द डार्क एण्ड लाइट’

२०७५ चैत्र २२
चार व्यक्तिले एकसाथ निर्देशन गर्दै चलचित्र ‘द डार्क एण्ड लाइट’

खालिङ सिस्टर्स मुभिज प्रालिको ब्यानरमा निर्माण हुने चलचित्रलाई चार व्यक्तीले संयुक्त रुपमा निर्देशन गर्ने भएका छन् । राजु अर्याल, पिटर खालिङ, सरस्वती लामा तथा केशवराज भट्ट निर्देशकका रुपमा रहेका छन् । जसमा राजुलाई मुख्य निर्देशक भनिएको छ । समारोहमा चार जनै निर्देशकले क्यामरा पुजा गरे भने वरिष्ठ गीतकार राजेन्द्र थापाले नविरल फुटाएर शुभुमुहर्त भएको घोषणा गरेका थिए ।

वृद्धाश्रममा आश्रित वृद्ध–वद्धाहरुलाई खाना खुवाउने उदेश्यले गरिएको शुभमुहुर्त समारोहमा चलचित्रर्की अभिनेत्री समेत रहेकी निर्देशक सरस्वती लामा तथा गायक डेविड शंकरले गीत समेत गाएका थिए । उक्त गीतमा राजेन्द्र थापाका शब्द तथा दीपक शर्माको संगीत रहेको छ ।

चलचित्रमा पिटर खालिङ र सरस्वती लामाका अलवा सेसुका राई, सुमन मगर, प्रिन्सा राई लगायतका कलाकारहरुको पनि अभिनय रहनेछ । आज बाटै छायाँकन थालिएको चलचित्रमा कुमार महर्जनको द्वन्द्व, सविन भट्टराईको छायाँकन र पिटर खालिङको कथा, पटकथा तथा संवाद रहने छ ।