‘ऊनको स्वीटर’मा यस्तो देखिए विपिन र मिरुना

लेन्सनेपाल २०८० माघ २३

चलचित्र ‘ऊनको स्वीटर’को फर्स्टलुक पोस्टर सार्वजनिक गरिएको छ । विपिन कार्की र मिरुना मगरलाई फिचर गरिएको पोष्टर पुरानो ‘टेक्स्चर’मा तयार पारिएको छ ।

नविन चौहानको निर्देशनमा बन्ने चलचित्रको पोष्टरमा स्टुडियो फोटोको कन्सेप्टमा पोष्टर देख्न सकिन्छ । पोस्टरमा विपिन उभिएका छन् भने मिरुना कुर्सीमा बसेकी छन् । विपिनले उनको स्वीटर लगाएका छन् ।

चलचित्रमा विपिन र मिरुनासँगै माओत्से गुरुङ, एलेक्स विश्वकर्मा, परीक्षा लिम्बु, अनिल सुब्बा, सुरज तमु, मिलन खत्रीलगायतको अभिनय रहनेछ । सुजन चापागाईं र कोविद बज्रको संगीत रहने चलचित्रमा चिन्तनराज भण्डारीको छायाँकन र निर्देशक चौहानको लेखन रहने छ । आगामी बैशाखबाट छायांकनको तयारीमा रहेको चलचित्र आर्टमान्डुको ब्यानरमा बन्नेछ ।