चलचित्र ‘जाइरा’ को गीत सार्वजनिक

लेन्सनेपाल २०७६ आषाढ १२
चलचित्र ‘जाइरा’ को गीत सार्वजनिक

चलचित्र ‘जाइरा’ को गीत सार्वजनिक गरिएको छ । बिहिबार राजधानीमा आयोजित एक कार्यक्रमका बिच चलचित्रमा समावेश ‘आँखाले बोल्छ’ बोलको गीत सार्वजनिक गरिएको हो । कार्यक्रममा चलचित्रका मुख्य कलाकार नम्रता श्रेष्ठ र अनुप बिक्रम शाहीले उक्त गीतमा नृत्य प्रदर्शन गरेका थिए ।

सार्वजनिक गीतमा रवी मल्लको शब्द, कल्याण सिंहको संगीत, सन्तोष लामाको स्वर र गोविन्द राईको कोरियोग्राफी रहेको छ । गीतमा नम्रता र अनुपलाई नै फिचर्ड गरिएको छ ।

चलचित्रमा अभिनेत्री नम्रता श्रेष्ठ मार्शल आर्ट खेलाडीको भूमिकामा छिन् । नम्रताले यो चलचित्रका लागि कपाल छोट्याउनुका साथै तौल समेत घटाएकी थिइन । चलचित्रमा नम्रता र अनुपका अलवा प्रमोद अग्रहरी, रेमनदास श्रेष्ठ सहित नवकलाकारहरु श्रृजना रेग्मी, सुजता श्रेष्ठ, सम्राट मगरलगायतका कलाकारको अभिनय रहेको छ । आशुतोषराज श्रेष्ठ निर्देशित चलचित्रलाई निर्देशक श्रेष्ठ र निरोज महर्जनले लेखेका हुन ।

कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रा.लि.को प्रस्तुतीमा बनेको चलचित्रका कार्यकारी निर्माता प्रशन्न गोपाली हुन् । चलचित्रमा लोकेश बज्राचार्यको सम्पादन, बाबु श्रेष्ठको छायाँकन, कल्याण सिंह, डिजे राजु र टम्ब्लीविडको संगीत, सम्राट बस्नेतको द्वन्द्व निर्देशन र केशव थापाको नृत्य निर्देशन रहेको छ । श्रीकृष्ण जन्माष्टमीको अवसर पारेर भदौ ६ गतेबाट चलचित्र प्रदर्शन हुँदैछ ।