'जाइरा'को आइटम गीत सार्वजनिक

लेन्सनेपाल २०७६ श्रावन ११
'जाइरा'को आइटम गीत सार्वजनिक

चलचित्र 'जाइरा'को आइटम गीत सार्वजनिक गरिएको छ । सार्वजनिक गएिको 'यो मात चढेको साँझ' बोलको गीतमा मिना निरौलाको स्वर रहेको छ । गीतमा तनुजा गुरुङ्गको नृत्य र गोबिन्द राईको कोरियोग्राफी रहेको छ । 

यो सन् १९७४ को चलचित्र 'मनको बाँध'को रिमेक हो । ओरिजिनल गीतमा मिरा राणाको स्वर, किरण खरेलको शब्द र शिव शंकरको संगीत रहेको छ । जाइरामा समावेश रिमेक भर्सनमा फिरोज बज्राचार्य र डिजे राजुले रि‍एरेञ्ज गरेका छन् ।

आशुतोष राज श्रेष्ठको निर्देशन रहेको चलचित्रमा नम्रता श्रेष्ठ, अनुप बिक्रम शाही, प्रमोद अग्रहरी, रेमन दास श्रेष्ठ, श्रृजना रेग्मी, सुजता श्रेष्ठ, सम्राट मगरलगायतका कलाकारको अभिनय रहेको छ । चलचित्रमा नम्रता मिक्स मार्शल आर्ट खेलाडीको भूमिकामा छिन् ।

चलचित्रमा निर्देशक श्रेष्ठ र निरोज महर्जनको पटकथा, बाबु श्रेष्ठको छायाँकन र लोकेश बज्राचार्यको सम्पादन रहेको छ । कटामरी फिल्मस्को ब्यानरमा निर्माण भएको चलचित्र नम्रता श्रेष्ठ प्रोडक्शन र ट्रेन्डसेटर्स प्रालिको ब्यानरमा प्रस्तुत भएको छ । चलचित्रका कार्यकारी निर्माता प्रशन्न गोपाली हुन् ।