चलचित्र ‘जय भोले’ले प्रदर्शनको ५१ दिन मनाएको छ । असोज ३० गते फुलपातिका दिनबाट प्रदर्शन शुरु भएको चलचित्रले मंगलबार काठमाडौंका चार चलचित्र हलमा प्रदर्शनको ५१ दिन मनाएको हो । चलचित्र राजधानीको क्युएफएक्स सेन्टर, गोपिकृष्ण, गुण र गंगामा प्रदर्शन भइरहेको छ ।

प्रदर्शनको ५१ दिनको अबसर पारेर चलचित्रका निर्माता निर्देशक अशोक शर्माले काठमाडौंको गोंगबु आबास क्षेत्रमा रहेको मानव सेवा आश्रममा आश्रित करिब तीन दर्जनलाई सहयोग गरेका छन् । उनले आश्रममा आश्रितलाई खाना खुवाउनुका साथै जाडोको लागि न्यानो कपडा वितरण गरेका छन् । अन्य कार्यक्रम गरेर खुशी साट्नु भन्द्या मानव सेवा गष्रेर खुशी साट्नु उपयुक्त भएकोले यस्ता गरिएको शमाृले जनाउका छन् । ५१ दिनसम्म प्रदर्शन भएको चलचित्र जय भोलेले ७ करोड भन्दा केही बढीको व्यापार गरेको समेत शर्माले बताएका छन् ।

कार्यक्रममा जय भोलेका शर्मा सहित कलाकारहरु खगेन्द्र लामिछाने, सौगात मल्ल, जयनन्द लामा, अर्जुन श्रेष्ठ, छायाँकार पुरुषेत्तम प्रधान, कोरियोग्राफर बसन्त श्रेष्ठलगायत उपस्थित थिए । सामाजिक कार्यका साथ ५१ दिन मनाउन पाउँदा कलाकारहरु खुशी देखिन्थे । अभिनेता अर्जुन श्रेष्ठले जय भोले टिमको यो कार्यबाट आफु प्रभावित भएको भन्दै मानव सेवा आश्रमलाई ५१ हजार रुपैयाँ सहयोगको घोषणा समेत गरेका छन् ।

Jai Bhole

Know more about Nepali Movie 'Jai Bhole'