प्रथम नेपाली चलचित्र आमाका अभिनेत्रीत्रय भूवन चन्द, बसुन्धरा भुषाल र चैत्यदेवी सिंहको ‘भूवन चैत्य बसुन्धरा फाउण्डेशन’ले चलचित्र विकास बोर्ड अन्र्तगतको चलचित्रकर्मी कल्याणकारी कोषलाई पुरस्कृत गर्ने भएको छ ।

फउण्डेसनको बैठकले स्थापना वर्ष २०७६ को ‘हरिश भुवन चन्द पुरस्कार’, ‘चैत्यदेवी सिंह पुरस्कार’ र ‘चेतनारायण बसुन्धरा भुसाल पुरस्कार’ गरि ३ वटै पुरस्कार कोषलाई अर्पण गर्ने निर्णय गरेको छ । हरेक पुरस्कारमा रु. ५१,०० नगद हुने र ३ वटै पुरस्कारको कुल राशी रु. १,५३,०००।– (अक्षरुपी : एक लाख त्रिपन्न हजार) र ताम्रपत्र जेष्ठ २२ गते विशेष समारोहको आयोजना गरि हस्तान्तरण गरिने जनाइएको छ ।

फाउण्डेसनकी अध्यक्ष बसुन्धरा भुसाल सहित उपाध्यक्षद्वय भुवन चन्द र चैत्य देवी सिंहको छनौट समितिले सिफारिस गरे अनुसार कल्याण कोषलाई पुरस्कार अर्पण गर्ने निर्णय गरिएको सचिब मोहन निरौलाद्वारा जारी बिज्ञप्तीमा उल्लेख गरिएको छ । जेष्ठ २२ गते आयोजना हुने समारोहका लागि प्रेम बम्जन(पुस्कर लामा)को संयोजकत्वमा अञ्जु रञ्जितकार, राजु प्रसाद धिमाल सदस्य रहेको कार्यक्रम संयोजन समिति समेत गठन भएको छ ।

यस अघि वरिष्ठ कलाकार श्री जयनेन्द्र चन्द ठाकुरलाई औषधोपचारकालागि फाउण्डेशनको तर्फबाट बैशाख १२ गते रु.२१,०००।– नगद सहयोग उपलब्ध गराएको थियो ।