Dialogue
Song's Credit : Director

News

‘पुजार सार्की’को गीत ‘रिमै’ सार्वजनिक

लेन्सनेपाल २०८१ बैशाख १८

चलचित्र ‘पुजार सार्की’मा समावेश ‘रिमै’ बोलको गीत सार्वजनिक गरिएको छ । सार्वजनिक गीतमा दिनेश राउतको शब्द, सुवास भुषालको संगीत र देबेन्द्र बराल र मुना ठट्टालको स्वर रहेको छ ।

चलचित्रका बिभिन्न दृष्यहरु समाबेश गीतमा कलाकारहरु आर्यन सिग्देल, प्रदीप खड्का, पल शाह, अञ्जना बराइली र परीक्षा लिम्बूलाई देख्न सकिन्छ । गीतले आर्यन–अञ्जना र प्रदिप–परिक्षा बिचको प्रेमलाई देखाएको छ ।

दिनेश राउतको निर्देशन रहेको चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय छ । विकास सुवेदीको लेखन रहेको चलचित्र जेष्ठ १० गतेबाट प्रदर्शन हुँदैछ ।

जातीय विभेदविरुद्धको कथा भन्ने चलचित्रलाई सुवास भुसालले निर्माण गरेका हुन् । किङ्गडम नेटवर्कको प्रस्तुति रहेको चलचित्रमा राजेश श्रेष्ठको छायाँकन र भरत रेग्मीको सम्पादन रहेको छ ।