चलचित्र बिकास बोर्डले बिद्यालय स्तर बाटै चलचित्र शिक्षाको व्यवस्था गर्न पहल शुरु गरेको छ । सञ्चार मन्त्रालय हुँदै शिक्षा मन्त्रालयमा लगिएको प्रस्तावमा मन्त्रालय सकारात्मक देखिएको छ ।

फलतः शिक्षा मन्त्रालय अन्तर्गतको पाठ्यक्रम विकास केन्द्रले बोर्डका अध्यक्ष दयाराम दाहाललाई पाठ्यक्रम निर्माण समितिको पदेन सदस्यको रुपमा आमन्त्रित गरेको छ । समितिले कोरोना प्रभाव हट्ने बितिकै आगामी बर्षका लागि पाठ्यक्रम निर्माण गर्ने कार्य शुरु गर्नेछ । आगामी बर्षदेखि विद्यालय स्तरबाटै चलचित्र वारे पढ्न पाईने गरि पहल भइरहेको विकास बोर्डको जनाएको छ । निमावी तहदेखि सबै क्याम्पसहरुमा चलचित्र वारे शिक्षा शुचारु गर्न सके नेपाली कला, संस्कृति र साहित्यको महत्व बढ्ने बोर्डको बिश्वास छ ।

शुरुमा विद्यालयस्तर र त्रिभुवन विश्व विद्यालय अन्तर्गतका पाठ्यक्रममा चलचित्रलाई समेट्ने तयारी गरिएको छ । पाठ्यक्रम विकास केन्द्रका महानिर्देशक केशव प्रसाद दाहालका अनुसार यसले भविष्यमा गएर चलचित्र प्रति रुची हुने विद्यार्थीलाई पहिले देखि नै लगाव राख्ने र तयारी गर्न सहज हुनेछ ।

विकास बोर्डका अनुसार स्कुल तहदेखि नै चलचित्रको इतिहास, साहित्यीक पक्ष र प्राविधिक पक्षको ज्ञान जरुरी रहेकोले यसको पहल गरेको बताए ।