Singer

News

दिपकको एल्वम ‘करोड क्लबका लोक आधुनिक गीतहरु’ सार्वजनिक

लेन्सनेपाल २०८० असोज १९

संगीतकार दिपक शर्माको एल्वम ‘करोड क्लबका लोक आधुनिक गीतहरु’ सार्वजनिक गरिएको छ । राजधानीमा आयोजित एक कार्यक्रमका बिच शर्माको एल्बम सार्वजनिक गरिएको हो ।

युट्युवमा एक करोड भन्दा बढी भ्युज पाएका ११ वटा आधुनिक, लोकपप गीतहरु संग्रहित एल्बमलाई बरिष्ठ गायक रामकृष्ण ढकाल, संगीतकार शर्माका बुबा हरिलाल जैसी र गीतकार डब्बु क्षत्रीले संयुक्त रुपमा सार्वजनिक गरेका हुन् ।

एल्वममा पिरेम नलाउने, छैन मलाई पिर, छुट्टिएर तिमीसँग, पछिपछि लागेर, बालखैमा दिल बस्यो, ए है मायाँ, अर्को जुनी खै कुन्नी, फुल फूलेको बन, ओकल दोकल, सिल्की कपाल र आयौ चेली बोलका गीतहरु समावेश छन् ।

कार्यक्रममा बोल्दै जीवनमा पहिलो पटक छोराको गीति सँग्रह विमोचन गर्न पाउँदो निकै खुसी लागेको बुबा हरिलाल जैशीले बताए । बिमोचन समारोहमा उनी निक्कै भावुक भएका थिए । यस्तै गायक रामकृष्ण ढकालले अहिलेको पुस्ताका संगीतकारमा गीतहरु हिट बनाउने नायकको रुपमा संगीतकार दिपक शर्मा परिचित रहेको बताए ।