Singer

News

चेपाङ समुदायको बिषयमा डा. उपाध्यायको गीत

लेन्सनेपाल २०७८ फागुन २९

८० वल्र्ड रेकर्ड राख्न सफल किर्तिमानी गीतकार डा. डिआर उपाध्यायको शब्दमा चेपाङ समुदायको जागरण गीत सार्वजनिक भएको छ । चितवनको चेपाङ समुदायको बसोबास रहेको जिमलिङ चौतारामा छायांकन गरिएको गीतमा उपाध्यायकै स्वर रहेको छ ।

सन्तोष श्रेष्ठको संगीत रहेको गीतमार्फत चेपाङ समुदायको भावनालाई बाहिर ल्याउन कोशिस गरेको गीतकार उपाध्यायले बताएका छन् । चेपाङ समुदायका समस्यालाई समाधान गर्न राज्यबाट पहल हुनुपर्ने, साथै विभिन्न जागरणका कार्यक्रम सञ्चालन गर्नुपर्ने आशय लिएर आफूले सामाजिक सन्देशमूलक गीत सार्वजनिक गरेको उनको भनाई छ ।

माइकल चन्दको निर्देशन र उत्सव दाहालको छायांकन रहेको गीतको भिडियोमा चेपाङ समुदायका विभिन्न व्यक्तिहरू, पत्रकार नेपोलीयन चेपाङ, गीतकार डा. उपाध्याय, सुनिता खनाल, यमबहादुर घर्ती, कृष्ण भुसाल लगायतको अभिनय रहेको छ ।

गीतकार डा. उपाध्यायले यसअघि नै चैतमा १०३ विश्व रेकर्ड पुर्याउने घोषणा गरिसकेका छन् ।