Dialogue

This profile is not verified yet. Please contact lensnepalweb@gmail.com to complete your profile.

News

‘शुभलभ’को ट्रेलर सार्वजनिक, ज्योतिषीकै भुमिकामा ज्योतिषी अधिकारी

लेन्सनेपाल २०७५ फागुन १४

चलचित्र ‘शुभलभ’को ट्रेलर सार्वजनिक गरिएको छ । सोमबार भिडियो साझेदरी सञ्जाल युट्युबबाट चलचित्रको ट्रेलर सार्वजनिक गरिएको हो । लभ स्टोरी जनराको चलचित्रबाट हरिहर अधिकारी र कृष्टिन पौडेलले अभिनयमा डेव्यु गरेका छन् । ट्रेलरमा दुवैलाई केन्द्रमा राखिएको छ । वास्तबिक जीवनमा समेत ज्योतिषी रहेका हरिहर चलचित्रमा पनि ज्योतिषीकै भुमिकामा छन् ।

बुद्ध इन्टरटेनमेन्टको ब्यानरमा निर्माण भएको चलचित्रलाई सन्तोष बाबु लोहनीले निर्देशन गरेका हुन् । धर्मराज शर्मा सुवेदीको लगानी रहेको चलचिका प्रस्तुतकर्ता प्रदीप कुमार उदय हुन् । आफु लामो समय पश्चात चलचित्र निर्माण तथा निर्देशनमा फर्किएकाले पनि ‘शुभलभ’लाई उत्कृष्ट बनाउन कुनै कसर बाँकी नछाडेको निर्देशक लोहनीको भनाई छ ।

‘शुभलभ’मा हरिहर र कृष्टिनको अलवा सरोज खनाल, राजाराम पौडेल, राजा राजेन्द्र पोखरेल, रविन्द्र झा, प्रदीप बास्तोल, डाक्टर सुर्या थापा, अनुज पाण्डेलगायतका कलाकारको अभिनय रहेको छ । चलचित्रमा हरिहर अधिकारीको कथा, अभिमन्यु निरवीको पटकथा तथा संवाद, अर्जुन पोखरेलको संगीत, रामजी लामिछानेको कोरियोग्राफी, रामेश्वर कार्कीको छायाँकन, रोशन विक्रम भट्टराईको द्धन्द्व र बनिष शाह र भुपेन्द्र अधिकारीको सम्पादन रहेको छ ।