चलचित्र ‘लप्पन छप्पन २’ को ट्रेलरमा अभिनेता सौगात मल्ललाई सुपरस्टारको ट्याग दिएपछि अर्का नायक शिब श्रेष्ठले असन्तुष्टि ब्यक्त गरेका थिए । खुलेरै त्यसको बिरोध नगरेपनि शिबले आइतबार आयोजित पत्रकार सम्मेलनमा घुमाउरो शैलीमा असन्तुष्टि राखेका थिए ।

शिबको असन्तुष्टि पछि हामीले सौगातलाई सुपरस्टारको ट्याग दिने ‘लप्पन छप्पन २’का निर्देशक मुकुन्द भट्टसँग यसबारे जान्ने कोसिस गरेका छौं । जहाँ उनले सौगात आफ्नो नजरमा सुपरस्टार नै भएको बताए । उनले सौगातलाई सुपरस्टार दिनुको कारण खोल्दै उनको अभिनय क्षमताको खुलेरै प्रसंसा गरे । अहिलेको जेनेरेशनमा सौगात अभिनयमा निकै अब्बल कलाकार भएको भन्दै भट्टले अभिनय क्षमताका आधारमै आफुले उनलाई सुपरस्टारको ट्याग दिएको जनाए । त्यसो भए यि सुपरस्टारले ‘लप्पन छप्पन २’को करोडौंको भारी आफ्नो काँधमा बोक्न सक्लान त ? भट्ट ब्यवसायिक रुपमा पनि सौगात सुपरस्टार ठहरिन्छन् भन्ने कुराको ग्यारेन्टी गर्न नसके पनि उनको कामलाई मन पराएर सुपरस्टारको ट्यागलाई दर्शकहरुले पनि स्वीकार्ने जिकिर गर्छन । त्यसो त भट्टले सौगातलाई अहिले सम्मकै फरक भुमिकामा प्रस्तुत गरेको पनि जनाएका छन् ।

‘लप्पन छप्पन’को सिरिजका रुपमा निर्माण भएको ‘लप्पन छप्पन २’ पहिलो भन्दा निकै अब्बल रहेको भट्टको जिकिर छ । उनले ‘लप्पन छप्पन’मा भएका कयौं कमीकमजोरीहरु यसमा सुधारेको बताए । निर्देशक भट्टले ‘लप्पन छप्पन २’मा कुनै पनि कम्प्रोमाइज्ड नगरि काम गरेको जनाएका छन् । नेपाल, अष्ट्रेलिया र युरोपमा छायाँकन गरिएको चलचित्रमा सौगातका अलवा शिव श्रेष्ठ, अर्पण थापा, अनुपविक्रम शाही, प्रकाश कुँवर, स्व। दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतका कलाकारको अभिनय छ । खिलेन्द्रराज तिमसिनाको प्रस्तुति रहेको चलचित्रबाट शक्ति श्रेष्ठ, केरोलिन कोलिन्डा, सुपर गुरुङ, आना ढकाल, सृजना सिना, रन्जीत वन्तलगायतका कलाकारले डेब्यु गर्दैछन् ।

निर्देशक भट्ट र सुनिल नेउरेको पटकथा र संवाद रहेको चलचित्रमा अमित शर्माले पनि पटकथामा साथ दिएका छन् । चलचित्रमा पुरुषोत्तम प्रधानको छायाँकन, शम्भुजित बाँस्कोटा, राजेन्द्र भट्ट एमआर आरजे, दीपक आरजे र बुलेट फ्लोको संगीत, किङ योगी र दिलिप ओकेडाको कोरियोग्राफी, हिमाल केसीसहित निर्देशक भट्टको एक्सन, निरज केसीको साउण्ड डिजाइन र मिलन श्रेष्ठको सम्पादन रहेको छ ।

सुरज अधिकारी र प्रजापति सिवाकोटी कार्यकारी निर्माता रहेको चलचित्रमा समीर खरेल क्रियटिभ निर्माताको रुपमा रहेका छन् । भने, सह–निर्मातामा राजीव तामाङ, वेद बहादुर तामाङ, रानु तिमिला, ताराचन्द शर्मा र सुरज केसी छन् । चलचित्र निर्माणमा गोल्डेन हिल्स पिक्चर्स सँग रोयल कुँवर इन्टरटेनमेन्ट, इपी एजुकेशन अस्ट्रेलिया, उमी ग्रुप युरोप र म्याक मिडियाले सहकार्य गरेका छन् । सुरज अधिकारी र प्रजापति सिवाकोटीको कार्यकारी निर्माण रहेको चलचित्रमा चिजकुमार श्रेष्ठ, प्रकाश कुँवर, निर्मलकुमार मिश्र र सन्तोषचन्द्र भक्रेल निर्माताको रुपमा छन् ।

यो पनि पढ्नुहोस्
सौगातलाई सुपरस्टार भन्दा शिब श्रेष्ठ असन्तुष्ट !

Saugat Malla

Know more about 'Saugat Malla'

Lappan Chhappan 2

Know more about Nepali Movie 'Lappan Chhappan 2'