Dialogue

News

‘जात्रै जात्रा’को ट्रेलर सार्वजनिक

लेन्सनेपाल २०७६ बैशाख १३

चलचित्र ‘जात्रै जात्रा’को ट्रेलर सार्वजनिक गरिएको छ । शुक्रबार भिडियो साझेदारी सञ्जाल युट्युब मार्फत चलचित्रको ट्रेलर सार्वजनिक गरिएको हो ।

प्रदिप भट्टराई निर्देशित चलचित्र सन् २०१६ को चलचित्र ‘जात्रा’को सिक्वेल हो । चलचित्रको ट्रेलर कमेडीले भरिएको छ । ‘जात्रा’मा बैक लुटेको पैसा भेटेका पात्रहरुले ‘जात्रै जात्रा’मा सुन भेटेको र त्यसलाई पचाउन खोज्दा भएको जात्रा देखाइएको छ ।

चलचित्रमा दयाहाङ राई, विपिन कार्की, रविन्द्र झा, रविन्द्र सिंह बानियाँ, बर्षा राउत, राजाराम पौडेल, प्रकाश घिमिरे लगायतका कलाकारको अभिनय रहेको छ ।

रविन्द्र सिंह बनियाँ कार्यकारी निर्माता रहेका रहेको चलचित्रमा यज्ञश्वर पौडेल र सिंगे लामाको लगानी छ । चलचित्र जेष्ठ ३ गतेबाट प्रदर्शन हुँदैछ ।