Story

This profile is not verified yet. Please contact lensnepalweb@gmail.com to complete your profile.

News

‘हिजो आजका कुरा’को छायाँकन शुरु

लेन्सनेपाल २०७६ कार्तिक २७

चलचित्र ‘हिजो आजका कुरा’को छायाँकन शुरु गरिएको छ । बुधबार पशुपति मन्दिरमा पुजा आजा गरि छायाँकन शुरु गरिएको हो ।

साकार पन्तको निर्देशनमा बन्ने चलचित्रको छायाँकन सेड्युल ३५ दिनको तय गरिएको छ । २ करोड रुपैयाँ अनुमानित बजेट तय गरिएको चलचित्रले आगामी वर्षको बैशाख १२ गतेका लागि प्रदर्शन मिति समेत घोषणा गरेको छ ।

चलचित्र ड्रामेडी जनरामा निर्माण हुनेछ । चलचित्रले कुनै न कुनै तरिकाले विदेशसँग सरोकार राखेका वा राख्न इच्छुक काठमाडौंका चार परिवारको पारिवारिक समस्या, संघर्ष र आतुरतासँगै विदेश जाने सपना पूरा गर्न केही न केही गुमाउनु पर्ने विषयवस्तुलाई उठान गर्ने जनाइएको छ । चलचित्रमा सन्तोष र साकारको कथा, सन्दीप किस्नाको पटकथा, रवि सायमीको छााँकन, बिनय कन्साकारको सम्पादन र हर्कुलस बस्नेतको संगीत रहनेछ ।

चलचित्रमा सन्तोष पन्त, रमा थपलिया, केकी अधिकारी, ऋचा शर्मा, रिमा विश्वकर्मा, जेविका कार्की, रमेश अधिकारी, सविन शाक्यसँगै नव–कलाकारद्वय विनायक कुइकेल र अनुष्का घिमिरेलगायतको अभिनय रहनेछ ।